Maths Fest

Maths festന്റെ ഭാഗമായി ഗണിത ക്ലബ്ബ് പല തരത്തിലുള്ള പ്രവർത്തനങ്ങളാണ് ആസൂത്രണം ചെയ്തിരിക്കുന്നത്. ഇതിന്റെ ഭാഗമായി പലതരത്തിലുള്ള മത്സരങ്ങളും നടത്താൻ ഉദ്ദേശിച്ചിട്ടുണ്ട്. പ്രധാനമായും അഞ്ചു മത്സര ഇനങ്ങളാണ് നടത്തുന്നത്.

1.പേപ്പർ പ്രെസെന്റഷൻ
2.ഗെയിം
3.ജോമട്രിക്കൽ ചാർട്ട്
4.ലേണിംഗ് മെറ്റീരിയൽ അവതരണം
5.ക്വിസ്
ഇവയാണ് പ്രധാനപ്പെട്ട അഞ്ച് മത്സരങ്ങൾ.

പേപ്പർ പ്രെസെന്റഷൻ  മത്സരത്തിന്റെ വിഷയം രാമാനുജൻ ഗണിത ശാസ്ത്രത്തിന് നൽകിയ സംഭാവനകൾ എന്നതാണ്. ഈ പേപ്പർ പ്രെസെന്റഷൻ ഐസിടിയുടെ സഹായത്താൽ ചെയ്യുന്നത് കൂടുതൽ ആകർഷകമാകും. കൂടാതെ മൂല്യനിർണയത്തിൽ ഇവയ്ക്ക് പ്രത്യേക പരിഗണന നൽകുന്നതായിരിക്കും. അതിനാൽതന്നെ പങ്കെടുക്കുന്ന എല്ലാ വിദ്യാർത്ഥികളും പേപ്പർ പ്രെസെന്റഷൻ ഐസിടിയുടെ സഹായത്താൽ തന്നെ ചെയ്യാൻ ശ്രദ്ധിക്കുക.  പേപ്പർ പ്രെസെന്റഷന്റെ പരമാവധി സമയം 15 മിനിറ്റ് ആണ്. സ്വാഗതത്തിന്റെയും നന്ദിയുടെയും ഒഴികെ പത്തിൽ കൂടുതൽ സ്ലൈഡുകൾ ഉൾപ്പെടുത്താൻ പാടില്ല. ഇത്തരത്തിലുള്ള കാര്യങ്ങൾ ശ്രദ്ധിച്ചു പേപ്പർ പ്രെസെന്റഷൻ  ചെയ്യാവുന്നതാണ്.

അടുത്ത മത്സരയിനം ഗെയിം ആണ് രണ്ടുപേർക്ക് കളിക്കാൻ കഴിയുന്ന തരത്തിലുള്ള ഗെയിം ആയിരിക്കണം തെരഞ്ഞെടുക്കേണ്ടത്. ഒന്നുമുതൽ എട്ടുവരെ ക്ലാസുകളിൽ ഗണിതശാസ്ത്ര മൂല്യങ്ങൾ ഉൾക്കൊള്ളുന്നതായിരിക്കണം ഗെയിമുകൾ. കളിക്കളവും കരുക്കളും ഗെയിമിന് അനിവാര്യം ആയിരിക്കണം പ്രത്യേകം ഒരു നിയമം ഉണ്ടായിരിക്കണം. കളിയുടെ അവസാനം ഫലത്തെ സംബന്ധിച്ച് തീരുമാനം ഉണ്ടായിരിക്കണം. ഈ ഇനത്തിൽ ഒരു ഗെയിം മാത്രമേ ഒരു ഗ്രൂപ്പ് അവതരിപ്പിക്കാൻ പാടുള്ളൂ.

അടുത്ത മത്സരയിനം ജോമട്രിക്കൽ ചാർട്ട് ആണ് വിവിധ ജാമിതീയ രൂപങ്ങൾ കോർത്തിണക്കിയ ജാമിതിയുടെ സൗന്ദര്യം വെളിവാക്കുന്ന തരത്തിലായിരിക്കണം ചാർട്ടുകൾ അവതരിപ്പിക്കേണ്ടത്. ജോമെട്രിക്കൽ പാറ്റേണുകൾ, tessellation എന്നിവയ്ക്ക് ആയിരിക്കണം ഈ ചാർട്ടിൽ കൂടുതൽ പ്രാധാന്യം കൊടുക്കേണ്ടത്. ചാർട്ടിന്റെ  ഫലപ്രദമായ ഉപയോഗത്തിനും ഭംഗിക്കും ഉയർന്ന പരിഗണന കൊടുക്കേണ്ടതാണ്. അനുയോജ്യമായരീതിയിൽ ചായം തേച്ച് മോടി പിടിപ്പിക്കാവുന്നതാണ്.

അടുത്ത ഐറ്റം ലേണിംഗ് മെറ്റീരിയൽ അവതരണമാണ്. ഒന്നുമുതൽ എട്ടുവരെയുള്ള ക്ലാസുകളിലെ  പഠനനേട്ടം ഉൾപ്പെടുത്തിയാണ്   അവതരിപ്പിക്കേണ്ടത്. ഈ മത്സരത്തിലൂടെ ക്ലാസ് റൂമിൽ എങ്ങനെ അവതരിപ്പിക്കാം എന്നല്ല ഉദ്ദേശിക്കുന്നത് മറിച്ച് വിദ്യാർത്ഥിക്ക് ഇതിലൂടെ എങ്ങനെ ഒരു ആശയം നേടാൻ കഴിയുമെന്ന് തലത്തിലേക്കാണ് ഈ മത്സരം മാറേണ്ടത്. അതിനാൽതന്നെ വിദ്യാർത്ഥിക്ക് ഒരു പഠനനേട്ടം നേടാൻ കഴിയുന്ന തരത്തിൽ ഒരു ലേണിംഗ് എയ്ഡ് ആയി അവതരിപ്പിക്കേണ്ടതാണ്. ഈ ലേണിങ് എയ്ഡ് വീട്ടിൽ നിന്നും മുൻകൂട്ടി ചെയ്തു കൊണ്ടുവരാവുന്നതാണ്.

എല്ലാ വിദ്യാർഥികളും ഡിസംബർ 17ന് മുൻപ് പേര് നൽകേണ്ടതാണ് പേര് നൽകുന്നത് താഴെ കാണുന്ന ലിങ്കിൽ ക്ലിക്ക് ചെയ്തോ അല്ലെങ്കിൽ നമ്മുടെ ബ്ലോഗിൽ പ്രവേശിച്ച ശേഷം അതിൽ Register for maths fest എന്ന  ഓപ്ഷൻ സെലക്ട് ചെയ്ത് രജിസ്റ്റർ ചെയ്യാവുന്നതാണ്

Link : https://dedktr2017-19.blogspot.com/p/register-for-maths-fest.html?m=1

മുഴുവൻ അധ്യാപക വിദ്യാർത്ഥികളും maths ഫെസ്റ്റ് ഒരു വൻവിജയമാക്കി തീർക്കണം എന്ന് അഭ്യർത്ഥിക്കുന്നു