അറിവിന്റെ വാതായനങ്ങൾ തുറന്നും അവധിക്കാല ആഘോഷത്തിന്റെ രസക്കൂട്ട് ഒരുക്കിയും ജില്ലാ അധ്യാപക പരിശീലന കേന്ദ്രത്തിൽ (ഡയറ്റ് ) ഡി എൽ എഡ് അധ്യാപക, വിദ്യാർഥികൾക്കായുള്ള 15 ദിവസത്തെ സമൂഹസമ്പർക്ക സഹവാസ ക്യാമ്പ് വേനൽക്കൂട്ടം 2019ന് വർണാഭമായ തുടക്കം. 29ന് സമാപിക്കും. പത്തനംതിട്ട ഡയറ്റ് മുൻ പ്രിൻസിപ്പൽ എം രാജേഷ് ഉദ്ഘാടനംചെയ്തു. പിടിഎ പ്രസിഡന്റ് കെ ഒ രാജുക്കുട്ടി അധ്യക്ഷനായി. പ്രിൻസിപ്പൽ ഇൻചാർജ് എസ് ഷീജ, ക്യാമ്പ് ഡയറക്ടർ എ മുഹമ്മദ് കബീർ, ക്യാമ്പ് ഓഫീസർ വി പി കുമാരി മിനി, സ്റ്റാഫ് സെക്രട്ടറി ജി ഗോപകുമാർ, ഡയറ്റ് ഫാക്കൽറ്റിമാരായ ടി ബിന്ദു, എൽ രാജി, വി ആർ മായ, എ സാജി, കൺവീനർ യു അശ്വതി എന്നിവർ സംസാരിച്ചു. ഡോ. പി ബാബുക്കുട്ടൻ, ജി ഗോപകുമാർ, രാംദാസ്, അനിൽ കാരേറ്റ്, കെ ജി വിജയബാബു, രാജേന്ദ്രൻ, ബെന്നി, എസ് അജിത കുമാരി, വിശ്വൻ കുടിക്കോട് തുടങ്ങിയവർ ക്ലാസിന് നേതൃത്വം നൽകുന്നു. ജൈവവൈവിധ്യ ഉദ്യാന നിർമാണം, നാടക ക്യാമ്പ്, ഫിലിം ഫെസ്റ്റിവൽ, പാചകമേള, പഠന യാത്ര, എയ്റോബിക്സ്, യോഗ എന്നിവ ക്യാമ്പിന്റെ ഭാഗമായി നടക്കും.