ഡി എഡ് അദ്ധ്യാപക വിദ്യാര്‍ത്ഥികളുടെ സമൂഹസമ്പര്‍ക്ക സഹവാസക്യാമ്പ് നിറക്കൂട്ടിന് തുടക്കമായി. മെയ് 3 ന് രാവിലെ 9:45ന് കുട്ടികള്‍ രൂപകല്‍പ്പനചെയ്ത പതാക ഉയര്‍ത്തി ക്യാമ്പ് ആരംഭിച്ചു. പി.ടി.എ പ്രസിഡന്റ് എം ബിജു അധ്യക്ഷനായ ഉദ്ഘാടന സമ്മേളനത്തില്‍ ക്യാമ്പ് ഡയറക്ടര്‍ എന്‍ പ്രസാദ് സര്‍ സ്വാഗതം ആശംസിച്ചു. ജില്ലാ പഞ്ചായത്ത് വൈസ് പ്രസിഡന്റ് ശ്രീ എം ശിവശങ്കരപ്പിള്ള ക്യാമ്പ് ഔദ്യോഗികമായി ഉദ്ഘാടനം ചെയ്തു. ഉദ്ഘാടകന്‍ ഡയറ്റ് അങ്കണത്തില്‍ മരം നട്ട് ജൈവവൈവിധ്യപാര്‍ക്കിന്റെ ഉദ്ഘാടന ക്ര‍മ്മം നിര്‍വ്വഹിക്കുകയും കുട്ടികളുടെ പരിസ്ഥിതി സൗഹൃദമനോഭാവത്തെ അഭിനന്ദിക്കുകയും ചെയ്തു. തുടര്‍ന്ന് ഡയറ്റ് പ്രിന്‍സിപ്പല്‍ ഡോ.പി.ബാബുക്കുട്ടന്‍ സര്‍ കെ-ടെറ്റ് കരസ്ഥമാക്കിയ കുട്ടികള്‍ക്കുള്ള സമ്മാനദാനം നിര്‍വ്വഹിച്ചു. ക്യാമ്പ് ഓഫീസര്‍ ശ്രീ എസ് ദിലീപ്കുമാര്‍ ക്യാമ്പ് വിശദീകരണം നല്‍കി. ശേഷം ഡയറ്റ് ഫാക്കല്‍റ്റി അംഗങ്ങള്‍ രക്ഷിതാക്കളുടെ പ്രതിനിധി എന്നിവര്‍ ക്യാമ്പിന് ആശംസകള്‍ അറിയിച്ചു. ക്യാമ്പ് ലീഡര്‍ ഫാത്തിമ റെയ്ഹാന നന്ദി അറിയിച്ചു.
കൊട്ടാരക്കര :2019-2020 വർഷത്തെ ജില്ലാതല TTI/PPTI കലോത്സവത്തിൽ 94 പോയിന്റുകളോടെ ആതിഥേയാരായ ഡയറ്റ്, കൊല്ലം. ഓവറോൾ നേടി. 94 പോയിന്റ് നേടിയ കാരാളികോണം TTI, ഡയറ്റിനൊപ്പം ഒന്നാംസ്ഥാനം പങ്കിട്ടു. CFTTI കൊട്ടിയം SMTTI കരുനാഗപ്പള്ളി ഇവർ 92 പോയിന്റുകളോടെ രണ്ടാംസ്ഥാനം പങ്കിട്ടു. തുടക്കത്തിൽ പോയിന്റ് നിലയിൽ ഡയറ്റ് പിന്നിലായിരുന്നുവെങ്കിലും, പിന്നീടു നടന്ന പദ്യം ചൊല്ലൽ, പ്രഭാഷണം, ലളിതഗാനം, സംഘഗാനം എന്നിവയാണ് നിർണായകമായത്. മത്സര ഫലങ്ങൾ ഉപന്യാസരചന : സമയ. ജെ -രണ്ടാംസ്ഥാനം ലളിതഗാനം :അശ്വതി. S. മുരളി -രണ്ടാംസ്ഥാനം സംഘഗാനം :ഗൗരി. S. S & ടീം-രണ്ടാംസ്ഥാനം പദ്യപാരായണം :ഗൗരി. S. S-രണ്ടാംസ്ഥാനം പ്രഭാഷണം :അനുഗ്രഹമേരി ബിജു - മൂന്നാംസ്ഥാനം
Comments
Post a Comment